لقد اصبحنا فى زمن المصلحة. وقليل جدا من يعرفك من اجل شخصك، فمعظم الناس يعرفك من اجل مصلحة ما..
وطريقتك فى التعامل مع تلك الزميلة حكيم جدا، فإياك أن تأمنى لها أو تتخذيها صديقة حميمة لأنها ليست أهلا لذلك.
أخيرا اتمنى ان يكرمك الله بصداقات حلوة مليئة بالحب الصادق والإخلاص الشديد

" من السهل أن تصنع ألف صديق فى السنة ولكن من الصعب أن تجد صديق لاْلف سنة "

هى نصيحة يا بنتى أبتعدى عنها أحسن
لكى تتجنبى القادم منها

ذات يوم كنت موجود فى مكان أستمر ذلك ثلاث شهور وعندما كنت أنوى الرحيل من هذا المكان فكتب لى شخص هذا الكلام لم أكن أعرفه من قبل

" ولدنا فى الدنيا غرباء فجمعنا الله على الحب والوفاء فإلى اللقاء يا أغلى الاصدقاء "
بكل تأكيد الصداقة جميلة جداً لكن أذا كانت من وراء هذة الصداقة مصالح فلتذهب إلى الجحيم هذة الصداقة فليعيش الانسان مع نفسه أفضل من أن يعيش مع أصدقاء مصالح

سلام صديقة

كتبتها مرةً أغلى الناس :
سلامٌ على الدنيا إن لم يكن بها
صديقا صدوقا صادق الوعد وفيا ..
من كلمات الشافعى ،،،
مرورا سريعا فى فترة غياب ..
لكم سلامى

صحيح فعلا.. الأصدقاء.. صدق بصدق.. في كل شيء.. تواضع وتعاون.. ووفاء.. وأمل وحلم وحب..
رباط أكيد.. ووعد كبير
لكنك بلاش تخلي الحكاية دي عنوان لضياع زمن الصداقة يعني لو هو كده فعلا يبقي في أسباب كتير لانك تقولي كده مش لموقف وحيد مع أني أعتقد ان عصرنا مش بالدرجة دي عصر خيانة ولا حاجة أو يغيب فيه الصدق وطبعا في أصدقاء كويسين جدا بمعني الوفاء فعلا شيء معروف في كل شيء حاجة كويس وحاجة مش كويسه.... يعني أتمناك تقبلي رأيي.. كل سنة وأنت طيبة.. بالحق عايزين نشوف بنوته مسلمه عالمه بقي دلوقت أنا قرأت مقال قرارك تنتقبي.. ربنا يكرمك يارب.. وانت قلتي انك خليتي الدراسة كمان تحظي كأول اهتمام ليك.. يبقي توعدينا تبقي فخر لينا كلنا.. وقت لما تنجحي.. نجاح كبير بعد الكلية.. مش تعدي السنة وبس.. سلامي ليك يا فطومة
شكرا لاني بكتب في صفحاتك هنا

السلام عليكم ورحمة الله وبركاته

لايهمك
صداقتك الصادقة وشخصيتك الجميلة
يتمنى اي انسان يكون صديق لك..
وفاطمة اياها
هي الخسرانة..
الدوام لله قولي لها
ولاتشيلي منها..بس لاتضعي ثقتك بمكان ليس اهلا لها
مخافة غدر الايام والساعات..

كان لي افضل الصديقات
واجملهن
دين وخلق واحترام متبادل نابع من احترام كل منا لنفسه ..
جمعتني الحياة من طفولتي بفتيات مميزات
بعضهن كن رفيقات دراسة وزميلات

والان
صديقاتي ع النت!!!!!!!!!!!!!
لان صديقاتي الملموسات كل واحدة فيهن شافت حياتها الخاصة ..
اللي اتزوجت وخلف
واللي سافر وراح يعمل في جهة بعيدة
لكن

لكن
الاتصالات ماتزال موجودة
والاخبار وان طالت ماتزال توصل اول باول
والحب الصادق لكل واحدة فيهم
مايزال هو هو
ماتغير
وانما زاد وتربع في القلب عربون حياة متجددة لاتكتمل بغير الاصدقاء..

اختي فاطمة اللي بدي اقول اياه
ان الصداقات الطيبة
تبقى ولايمحوها الزمن
وان بعدت الاشخاص وطالت غيبتهم
لكن صورتهم والحب ليهم في القلب حي ..

لاتتعبي نفسك
بشان التساؤل والمعاناة بامر الصداقة
فان شاء الله
ستلتقين من تستحق
بل من يستحقن صداقتك النبيلة
الصادقة
ومن يعرفن شروط الصداقة ويحترمن اطرافها..

تحياتي فاطمة

دودو
----
شكرا يا حبيبتى على تعليقك
انا بعترف يا عبير انى اتغريت فى تلك الزميله
ولكن الواحد لازم يتعلم من أخطاءه
أشكرك لدعواتك الغاليه
------------------------------------------------------------------------
وحيد
----
كلامك حكم والله يا وحيد

اصبح قليل وجود الصدسق غى الدنا ولو انى لم انكر ان لدى اصدقاء مقربين وكويسين جدابس دول اللى كانو معايا فى الثانوى واعدادى
اما التى اتحدث عنها معرفتى بها لم تتعدى سنه واحده واكتشفت انها معرفه مصلحه وابتعدت عنها تماما لم اتعامل معها الا اذا كنت مضطره زيها زى اى زميله معى او اقل منها كمان

تحياتى لك يا وحيد
سلام صديق
------------------------------------------------------------------------
هيرو
----
ياااااااااااااااااااه
فينك يا عم هيرو
ايه الغيبه الطويله دى
انا قولت اكيد حبيت تقضى اجازه فى التلاجه بعد ان امتلات مره اخرى
هههههههههههه
يللا بقى ارجع فى انتظار مقالاتك الجديده
تحياتى لك وشكرا على تعليقك الجميل

بلا أمل
------
محمد المهدى
نورت المدونه يا محمد رغم ان مدونتك اسمها بلا امل
لكن دايما بحس ان تعليقك كله أمل!!!

اكيد فى اصدقاء كويسين جداواوفياء
وانا كما قلت لوحيد ان اصدقائى المقربين اللى كانو معايا من كذا سنه اما تلك الزميله فلم تعد غير انها زميله عاديه وانا عرضت فى مقالى هذا نوع من انواع الصداقات السئ اللى فى ناس بتحب تعمله عشان تاخد اللى هى عاوزاه وبس
وربنا يبعدنا عن هذا النوع من الناس

ومتشكره جدا يا محمد على الكلام الجميل اللى انت كاتبه ده
ايه ده عاوزنى ابقى عالمه مره واحده
ههههههههه
انت حاطط امل كبير اوى عليا
بس فعلا كل الكلام اللى قولته صح
انا دلوقتى مذاكرتى اول اهتماماتى ومش مستعده اعدى السنه وبس انا عاوزه اجيب تقدير عالى
على الاقل عشان اكون قد الكلام الجميل اللى انت كاتبهولى ده
وعشان طبعا انجح فى مستقبلى
ربنا يوفقنا كلنا يارب

وانا اللى بشكرك لانك اسعدتنى بكتابتك فى صفحاتى هنا

سلام
------------------------------------------------------------------------
لطيفه
-----
اهلا بيكى يا لطيفتى

شوفى انا اتفق معكى فى حاجات كتير فى تعليقك
يعنى مثلا انا برضه معظم صداقاتى اصبحت عالنت وهما معدودين على الصوابع

اما خارج النت فهم اثنان فقط من ايام الدراسه وبالرغم بعدنا عن بعض بعد دخول الكليات لكن دايما على اتصال ببعض

اما بالنسبه للانسانه اللى اتكلمت عنها فى مقالى فأنا مش شاغله بالى بيها لانها ماتستهلش
اشغل بالى بمستقبلى ومذاكرتى احسن او اشغل بالى بكتاب جميل أقرأه

تحياتى وحبى لكى يا لطيفه

ان بعض الظن اثم ........مش يمكن انتى فعلا كنتى فاهماها غلط وحصل سوء تفاهم وحتى لو كان فعلا زى مبتقولى وجت تصالحك تانى يبقى خلاص الموضوع خلص وكمان مايمكن اقصدها انها تصالحك مش تاخد المحاضرات وكمان برضه فى نقطة احنا منعرفش الغيب اية اللى عرفك لو كانت دخلت قسم تانى مكنتش هتتصل بيكى ميمكن كانت بتفكر فى دة بس مكسوفة منك ولا حاجة دايما يا أخت فاطمة خدى الناس بحسن النوايا ولو كانت هيا برضه غلطت معاكى او عاملتك باسلوب مش كويس فيمكن كانت مضايقة من حاجة يومها او حاجة انتى متعرفيش اية ظروفها برضه اما اذا كانت مبتكلمش زمايلها لمجرد انهم بيكلموكى فيمكن هما عملو حاجة ضايقتها وانتى فهمتى المعنى غلط والصداقة شىء جميــــــل لايستغنى عنه اى انسان ولكن يوجد فرق بين الصداقة والزمالة...!

number15
--------
شكرا على راييك وحسن ظنك

بس كل اللى اقدر اقولهولك ان الموضوع له ابعاد شخصيه خاصه بيه انا مقدرش اقولها
والحاجات دى هى اتدخلت فيها بدون وجه حق

لكن صدقنى انا لو حكيبتلك طبيعة علاقتى بيها واسلوبها معايا كنت بدأت احس انى عايشه مع سجان مش زميله ولا صديقه

وعلى فكره انا مش بدافع عن نفسى عشان تقولى انا المظلومه لا هى دى الحقيقه وزى ما قولت الموضوع له ابعاد شخصيه خاصه بيه انا

اما بالنسبه لموضوع القسم فهى مش كانت بتفكر فيه هى كانت عاوزه قسم تانى والقسم ده دخلته لانه هو اللى جالها فى التنسيق
وهى فعلا مش كانت هتتصل بيا لو دخلت قسم تانى لانها فضلت طول الاجازه والامتحانا تشوفنى قدام عنيها وتبعد عنى وتغير وجهها عنى وحاجات تانيه كتير

بس كفايه كده
واشكرك على حسن ظنك اللى مش فى محله مع هذه الزميله

وانا قولت زميله مش صديقه لانى اعلم جيدا الفرق بين الصداقه والزماله

تحياتى لك

إن اكتساب الأصدقاءِ فنٌّ مدروسٌ يجيدُهُ النبلاءُ الأبرارُ ، فهمْ محفوفون دائماً وأبداً بهالةٍ من الناسِ ، إنْ حضروا فالبِشْرُ والأنسُ ، وإن غابوا فالسؤالُ والدعاءُ .
إنَّ هؤلاءِ السعداء لهمْ دستور أخلاقٍ عنوانُه : ﴿ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ ﴾ فهمْ يمتصون الأحقاد بعاطِفتِهِمُ الجيّاشةِ ، وحلمِهِمُ الدافِئ ، وصفْحِهم البريءِ ، يتناسون الإساءة ويحفظون الإحسان ، تمُرُّ بهمُ الكلماتُ النابيةُ فلا تلجُ آذانهم ، بل تذهبُ بعيداً هناك إلى غيرِ رجْعةٍ . همْ في راحةٍ ، والناسُ منهمُ في أمنٍ ، والمسلمون منهمُ في سلام (( المسلمُ من سلِم المسلمونُ من لِسانِهِ ويَدِهِ ، والمؤمنُ من أمِنَهُ الناسُ على دمائِهم وأموالِهم ))

دمتى بخير فطومة

م/مختار عمر